Deddf Ffyrdd Newydd a Gwaith Stryd 1991

Pwrpas y cyhoeddiad hwn yw:

1. gosod fframwaith i awdurdodau priffyrdd ac ymgymerwyr statudol ar gyfer dadansoddi canlyniadau perfformiad a gweithredu arnynt yn seiliedig ar archwiliadau o samplau a wnaed ar hap; a
2. galluogi adroddiadau am berfformiad i gael eu cynhyrchu a rhoi sicrwydd am uniondeb y canlyniadau a gafwyd; a
3. ei gwneud yn hwylus i hysbysiadau am welliannau fynd ger bron HAUC Cymru.

 

2 MEINI PRAWF

Dylai Hysbysiadau Gwella gael eu seilio ar ganlyniadau'r holl archwiliadau a ddewiswyd ar hap. Gall y rhain gynnwys archwiliadau ar hap a ariennir gan awdurdod y strydoedd.

1. Os bydd maint y sampl yn fach mewn unrhyw chwarter, yn 30 neu lai, a bod canran y diffygion yn 10% neu fwy, ni fydd unrhyw rybudd gwella yn cael ei gyhoeddi, ond caiff yr awdurdod anfon llythyr ffurfiol.
2. Dylai Rhybuddion Gwella gael eu rhoi o fewn mis i'r chwarter dan sylw. 

 

3 DULL GWEITHREDU

1. Lle bo mwy na 10% o'r sampl o'r archwiliadau ar yr ymgymerwr yn datgelu diffygion dros unrhyw chwarter a gytunwyd caiff awdurdod y strydoedd gyflwyno Rhybudd Gwella (Atodiad 1), neu anfon llythyr ffurfiol yn achos sampl fechan, yn datgan bod yr Awdurdod yn anfodlon ar berfformiad yr ymgymerwr.
2. Anfonir y Rhybudd Gwella at y sawl a enwebwyd gan PAPC Cymru, ac fe'i anfonir o fewn mis i'r chwarter dan sylw.
3. O fewn mis o roi Rhybudd Gwella bydd yr ymgymerwr yn rhoi gwybod i awdurdod y strydoedd am yr hyn y bwriada ei wneud am y sefyllfa.
4. Ymdrinnir ag unrhyw anghydfod a fydd yn deillio o'r Rhybudd yn unol â Chyngor PAPC ynghylch cymrodeddu a chymodi.
5. Mae'r cyfnod ar gyfer anfon llythyrau ffurfiol ac ymateb iddynt yr un fath ag ar gyfer Rhybuddion Gwella.
6. Dylai awdurdod y strydoedd gyhoeddi adroddiadau perfformiad chwarterol i'r ymgymerwr, ac argymhellir y dylent lunio adroddiad cryno blynyddol i'r pwyllgor priodol o'r cyngor.
7. Anfonir manylion am y Rhybuddion Gwella a dderbyniwyd at Ysgrifennydd PAPC Cymru er gwybodaeth a'u pasio ymlaen.